В.И.Иванов аатынан политехническай хайысхалаах Кэмпэндээйи орто оскуолатын үөрэнээччилэрин саас туһунан хоһоонноро.
Саас кэллэ
Сандал саас кэлэн
Муус чопчу таммалаата,
Тоҥ буортан ньургуһун быкта.
От-мас тиллэн,
Айылҕа уһун уутуттан уһугунна.
Кэрэтиэн, саас барахсан
Өрүспүт уһугунна.
Уарова Милана, 5-с кылаас
Саас
Саас кэлэн,
Сылаас күн буолла.
Чыычаахтар ыллыыллар,
Тыатааҕы уһугунна.
Хаар ууллан,
чалбах таҕыста.
От-мас көҕөрдө.
Ньургуһун быкта.
Ямщиков Олег, 5-с кылаас
Сандал саас
Сандал саас кэллэ!
Хаар маҥан туллуктар кэллилэр.
Маҥнайгы ньургуһун
Тоҥ буору тобулан таҕыста.
Сандал саас-күндү саас!
Хаар ууллан чалбах таҕыста,
Күн сылаас уотунан угуттаата,
Кэрэтиэн, сандал саас!
Прокопьева Айза, 5-с кылаас
Саас кэллэ
Саас кэлэн
От-мас тылынна,
Күн күүскэ тыган
Хаар уулунна,
Үрэх устан
Балыктыы сүүрдүбүт.
Үчүгэй да кэм — саас!
Саас барахсан олус да кэрэ!
Сымытов Данил, 5-с кылаас
Сандал саас
Сандал саас кэллэ,
От-мас тылынна,
Хаарбыт ууллан
Чалбах уута таҕыста,
Күммүт чаҕылыччы тыкта,
Араас чыычаахтар кэллилэр,
Көмүс күөмэйдэринэн ылаан бардылар.
Кэрэтиэн, сандал саас барахсан!
Хал буолбат кэрэ көстүү,
Сылаас күннэр, дууһа үөрүүтэ.
Федорова Ванесса, 7-с кылаас
Саас туһунан хоһоон
Сааскы бастакы күнүнэн
Халлааҥҥа күн мичилийдэ,
Сааскы чэбдик салгыны
Толору астына тыынным.
Көтөр-сүүрэр сэргэхсийдэ,
От- мас чэлгийдэ,
Көрдөөх кэмнэр күөрэйдилэр.
Ямщикова Карина, 7-с кылаас