Ааспыт нэдиэлэҕэ Сунтаар 1-кы нүөмэрдээх оскуолатыгар үлэ уруога уратытык ааста. Ол курдук, бу оскуола 8в кылаас үөрэнээччилэрэ Леана Петрова уонна Алина Андреева харысхал сиэккэтин өрүүгэ маастар кылаас ыыттылар. Кинилэр «Харысхал» улууспут уопсастыбанньыктара көҕүлээһиннэринэн тэриллибит байыаннай дьайыыга сылдьар биир дойдулаахтарбытыгар сиэккэ өрүүтүгэр бастакы күнтэн сылдьан көмөлөспүттэрэ. Кыргыттар сатабыллара сайдан билигин бииргэ үөрэнэр оҕолорун, доҕотторун үөрэтэллэр. Сиэккэ өрүүтэ көрдөххө дөбөҥ эрээри сөпкө барытын ааҕан-суоттаан, ханан хайдах өҥү тиһэри, кыбытары кытары толкуйдаан таһаараллар.
Оҕолор сиэккэ өрүүтүгэр кыттыһан биир күннэрин туһалаахтык атаардылар.
Амелия Оконешникова 8 «в» кылаас үөрэнээччитэ
