Аҕа дойду буойуннарын дьиэ кэргэннэрин Саха сиринээҕи кэмитиэтин салайааччыта Марина Бахилина Санкт-Петербурга олорор уонна эмиэ маннык кэмитиэти салайар Любовь Рубаниктыын ыкса ситимнээхтик үлэлиир. Бу соторутааҕыта кини анал байыаннай дьайыыга сылдьан сырдык тыына быстыбыт биһиги биир дойдулаахпыт Дмитрий Егоров аата үйэтитиллиэхтээх диэн туран, «Питер худуоһунньуктара кини мэтириэтин уруһуйдаан дьон көрүүтүгэр таһаараллара буоллар» диэн көрдөспүт. Ол көрдөһүүтүнэн, Санкт-Петербурга биһиги Дьоруойбут мэтириэтин худуоһунньук Виктор Чернов уруһуйдаан куоҥкуруска кытынна. Онон «Уголь земли русской» диэн федеральнай бырайыакка өссө биир үлэ — Дмитрий Егоров мэтириэтэ киирдэ.
Яина ВЛАСЬЕВА
Хаартыскаҕа худуоһунньук Виктор Чернов уонна Любовь Рубаник, хаартыска Интэриниэт ситимиттэн.