Атырдьах ыйын 13, 16, 17 күннэригэр Сунтаар нэһилиэгэр Арассыыйа Ис дьыалаҕа министиэристибэтин Сунтаардааҕы отдела уонна улуус сэрэтэр уорганнарын үлэһиттэрэ «Ночь» диэн оперативнай-сэрэтэр тэрээһини ыыттыбыт.
Операция кэмигэр киэһэ 23.00 чаастан түүн 02.00 чааска диэри уулуссалары, уопсастыбаннай сирдэри, ыччат тоҕуоруһа мустар уонна быраҕыллыбыт дьиэлэри, подъезтары көрдүбүт. Бэрэбиэркэ түмүгүнэн кэмбинээт түөлбэтигэр сокуоннай саастарын ситэ илик оҕолор быраҕыллыбыт ЯАССР уулусса, 60-нун 11-с дьиэтигэр, оттон РТС сиригэр Манчаарылаах уулуссаҕа ситэ тутулла илик дьиэҕэ мусталлара билиннэ.
Оперативнай-сэрэтэр тэрээһин кэмигэр сокуоннай сааһын ситэ илик алта оҕо (Сунтаардааҕы 1-кы, 3 №-дээх оскуолалар, СПТЛ, СТК) түүҥҥү кэмҥэ улахан дьоно суох сылдьара бэлиэтэннэ. Бу оҕолор сокуоннай бэрэстэбиитэллэригэр административнай (1 ч. ст.5,35, КоАП РФ) боротокуоллар туоллулар.
Ытыктбыллаах төрөппүттэр, оҕолоргут түүҥҥү өттүгэр уулуссалары кэрийэллэрин бопсуҥ. Оҕолоргутугар болҕомтоҕутун ууруҥ, кинилэр күннээҕи эрэсиими тутуһалларын ирдээҥ.
Артем АФАНАСЬЕВ, полиция подполковнига, полиция начальнигын солбуйааччы