Хой
Үлэҕэ-хамнаска да, тус олоххо да табыллар нэдиэлэҥ. Уруккуттан туруоруммут соруктаргын, былааҥҥын бу кэми баттаһа ситиһиэххин сөп. Үп-харчы киириитэ үчүгэй буолуо. Бэйэ кыаҕар эрэн, сонуну ылсартан куттаныма.
Оҕус
Бэйэҕэ эрэллээххин, күүс-кыах да толору. Туох эрэ уратыны, сонуну ылсартан дьаарханыма. Урукку кэмтэн, ааспыттан туох эмэ биллэн ааһыан сөп. Чугас дьоҥҥор, кыра да буоллар, болҕомто уурары умнума.
Игирэлэр
Барыга бары көхтөөх, киириилээх-тахсыылаах буолуоҥ. Үлэҕэ-хамнаска сонун, сэргэх идиэйэ үксүө. Айар үлэлээх игирэлэр ордук көхтөөх буолуохтара. Чугас дьоннуун, доҕоттордуун сыһыан эриэ-дэхси.
Араак
Нэдиэлэ астык түгэннэринэн, ситиһиилэринэн толору буолуо. Чугас дьонуҥ сылаас сыһыаннара, өйөбүллэрэ үөрдүө. Ыра санааларгын, былааннаргын умнума, ситиһэргэ дьулус. Дьиэҕэ соҕотох хаалбакка, аралдьыйарга кыһан.
Хахай
Тус олоххо да, үлэҕэ-хамнаска да дьоһун ситиһиилэр баар буолуохтара. Киһи быһыытынан уратыгын биллэрэртэн толлума. Бу күннэргэ ыарахан үлэттэн, ноҕуруускаттан тэйиччи туттубутуҥ ордук.
Кыыс
Бэйэҕэ эрэллээх буоларга кыһан. Бу нэдиэлэ үөрүүлээх түгэнэ үгүс буолуо. Айар кутуҥ, иэйииҥ уһуктар кэмэ. Тэйиччиттэн алтыһыы, суруйсуу үксүүр чинчилээх. Чугас доҕору хомоппот сыалтан сонун билсиһиилэринэн үлүһүйбэтиҥ көнө.
Ыйааһын
Уһун сынньалаҥнар кэннэ күүһүҥ-кыаҕыҥ толору, үлэлииргэ баҕаҥ баһаам буолуо. Саҥаны, сонуну ылсартан толлума. Нэдиэлэ үгүс үтүө түгэни тосхойуо, сонун билсиһиилэр баар буолуохтара. Доруобуйаҥ туругун көрүн, оһолтон сэрэхтээх буол.
Скорпион
Бу нэдиэлэ ситиһиитэ үгүс буолуо. Үлэ-хамнас таһаарыылаах , чугас дьоҥҥунуун сыһыан сымныа. Сынньанары, холкутуйары умнубатыҥ ордук. Тас көрүҥү тупсарарга табыгастаах кэм.
Охчут
Соһуччу үөрүүлээх түгэннэр күүтэллэр. Быһаарыныылаах, сорунуулаах буоларга кыһан. Ээл-дээл сылдьыы доруобуйа туруга мөлтөөһүнүттэн тутулуктаах буолуон сөп, кэтэнэр, болҕойор ордук.
Чубуку
Нэдиэлэ саҕаланыыта ыарахаттары көрсүөххүн сөп. Ол эрээри онтон санньыйбакка, үлэни кыайа туттаххына сыалгын ситиэҥ. Айар-тутар үлэ ордук табыллыа. Киэһэтин үлэ кэннэ көй салгыҥҥа дьаарбайан сылааны аһарын.
Күрүлгэн
Иннигэр арыллар кыахтарга бэлэм буоларга дьулус. Уларыйыыттан-тэлэрийииттэн, саҥаны саҕалыыртан чугуйума. Туһата суох кураанах кэпсэтиилэргэ бириэмэни бараабат ордук. Чугас дьоҥҥор болҕомто уурары умнума.
Балыктар
Сыалгын-соруккун, баҕа санааларгын туора уурума. Бу нэдиэлэҕэ ыралаабыккын олоххо киллэрэргэр кыах көстүөх курдук. Уруккуттан олоҕурбут хайа эмэ үгэс уларыйыан сөп. Чугас дьоҥҥуттан, доҕоттортон көмө көрдүүртэн толлума.