Нэдиэлэтээҕи гороскоп. Сэтинньи 27-ахсынньы 3 күннэрэ

Хой

Үлэҕэ эбээһинэстэргэр болҕомтолоох буол. Үлэни көлбөрүтэргэ табыгаһа суох кэм.  Сэрэдэҕэ кыһаллыгас буоллаххына, билиигин көрдөрөргөр кыах бэриллиэ. Үлэҕэ уларытыыны киллэрбэт ордук. Бээтинсэҕэ тус олоххор туохтан эрэ санааҥ түһүөн сөп.

Оҕус

Нэдиэлэ саҕаланыыта чугас доҕор, атас көмөтүнэн быһаарыллар кыһалҕа күөрэйиэн сөп. Дьону кытта сыһыаны буортулаабат туһугар дьаһайар, үөрэтэр майгыгын кыана туттуоххун наада. Сэрэдэ, чэппиэр – үлэҕэ табыллар күнүҥ. Бээтинсэҕэ туох эрэ саҥа, уларыйыы күүтэр.

Игирэлэр

Бу нэдиэлэҕэ ыралаабытыҥ үксэ туолар чинчилээх. Айар үлэҕэ былааннарыҥ олоххо киириэхтэрэ, үтүө быһыыҥ сыаналаныа. Олоххор табыллар кэрдиис кэмиҥ кэлбитин билиэҥ. Үп-харчы киириитэ да куһаҕана суох.

Араак

Үгүс-элбэх көхтөөх үлэ күүтэр. Айар үлэҕэ сыһыаннаах толкуйдаргын олоххо киллэрэр кыахтаныаҥ. Аҕыйах тыл – элбэх үлэ диэни тутуһуоҥ. Өрөбүллэр диэки сүпсүгүрүү, түбүк аҕырымнаан, холкутук сынньанаргар кыах бэриллиэ.

Хахай

Тус кыаххын сөптөөхтүк сыаналаа, сүһүөх уйарын эрэ ылыс. Бэйэҥ тускунан, төһө кыалларынан, аҕыйаҕы кэпсээ, ордук билбэт дьоҥҥор аһыллыбатыҥ ордук. Тулаҕар баар дьонуҥ тугу кэпсииллэрин болҕой, туһалааҕы билиэххин сөп. Дьиэҕэ-уокка барыта кэминэн.

Кыыс

Үбү-харчыны киллэрэргэ эбии үлэ туһунан толкуйдуоххун сөп. Доҕотторуҥ элбэхтик көмө-ньыма буолуохтара. Соҕотохсуйууттан тэйэн, дьон тоҕуоруһар сиригэр дьулус, саҥа дьоннуун билсис, урукку сыһыаннары сөргүт.

Ыйааһын

Соло үрдүүрүгэр дьоһун хардыы оҥорорго тоҕоостоох кэм. Нэдиэлэ саҕаланыыта үп-харчы үрдүүрүгэр кыаҕы биэрэр хардыылары оҥоруоҥ. Бээтинсэҕэ санаа күүрүүтүн кыайа тутарга кыһан.Өрөбүллэргэ туох баар тыҥаабыт кыһалаҕа барыта орун-оннугар түһүө.

Скорпион

Үлэҕэ-хамнаска да, тус олоххор да табыллар күннэр туруохтара. Туһалаах сибээстэри, сыһыаннары олохтуурга тоҕоостоох кэм.  Сэрэдэҕэ сонун кыахтары арыйар дьоһун сураҕы истэн үөрүөххүн сөп.  Сынньалаҥҥа бириэмэ булан, чугас киһигэр кэм аныыры умнума.

Охчут

Бииргэ үлэлиир дьоҥҥунуун ыкса алтыһартан, аһаҕастык кэпсэтэртэн толлума. Нэдиэлэ бастакы аҥаарыгар ханна да буоллун, тус бэйэҥ кыаххар эрэ эрэн. Чэппиэргэ үөрдэр сонуну истиэххин сөп.

Чубуку

Ыра санааҕа ылларыаххын сөп. Бу баҕа санааҥ олоххо киириэн баҕарар буоллаххына, сүрэҕэлдьээһини, үлэни дьаалатынан ыытыыны тохтотуоххун наада.  Нэдиэлэ бүтүүтэ толлоргун, туттунаргын кыайа тутар кыахтааххын өйдүөҥ. Өрөбүллэргин чугас дьоҥҥор анаа.

Күрүлгэн

Саҥаны ылсан, салгыы сайдарга эрэллээхтик турунуоххун сөп. Эн сонун этиилэриҥ олоххо толору киирэр кыахтаахтар, табыллыы арыаллыыр кэмнэрэ. Субуотаҕа олоххор сэргэхсийиини киллэрэр саҥа киһилиин билсиэххин сөп.

Балыктар

Күүһү-кыаҕы харыстаабатаххына, үгүс кыһалҕаны быһаарыаҥ. Үлэҕин уларытарга дьулуһар буоллаххына, табыгастаах кэм. Дьиэ кэргэҥҥэ тус бэйэ эрэ интэриэһин өрө тутартан туттарыҥ ордук.

Читайте дальше