Хой. Уустук нэдиэлэ үүммүт. Соһуччу түгэннэр буолуохтара. Ким эмэ көмөлөһүө, сүбэ-соргу буолуо диэн эрэнимэ. Быһаарыныы ылынарыҥ бэйэҕиттэн эрэ тутулуктаах. Нэдиэлэ бүтүүтэ дьыалабыай көрсүһүү күүтэр.
Оҕус. Чугас киһигин кытта өйдөспөт быһыы-майгы тахсыан сөп. Бэйэҥ эрэ эппиккин кэлиилии кэбэ турдаххына, сыһыаҥҥыт түргэнник тымныйыан сөп. Онон бэйэ бодотун тардынарга сулустар сүбэлииллэр.
Игирэлэр. Нэдиэлэ устата тулуурдаах буолуу ирдэнэр. Туруоруммут сыалгыттан туораама. Бириэмэҕин сөпкө аттарыннаххына, элбэҕи ситиһиэххин сөп. Солуута суох кэпсэтиилэргэ, көрсүһүүлэргэ бириэмэҕин бараама.
Араак. Нэдиэлэ күүрээннээхтик саҕаламмыт. Дьиэ-уот кыһалҕата улаханнык долгуппат, ол эрээри нэдиэлэ ортотуттан дьиэ кэргэҥҥэр болҕомто ууруоххун наада. Оҕолор болҕомтону ирдииллэр.
Хахай. Үлэҕэ, үөрэххэ бэйэҕитин сонун өттүттэн көрдөрөргө кыах бэриллиэ. Саҥаҕа холонон көрөргө, сонун бырайыакка ылсарга сөптөөх нэдиэлэ үүммүт. Тус олоххун үлэни кытта тэҥник тут, үлэҕэ бас бэринимэ.
Кыыс. Үпкэ-харчыга сыһыаннаах дьыалаларга сэрэнэ соҕус сыһыаннас. Докумуон, илии баттаһыы улахан эппиэтинэһи күүтэр. Улахан малы-салы атыылаһартан туттунарыҥ ордук.
Ыйааһын. Чугас дьонуҥ, кэллиэгэлэриҥ эн үтүө сүбэҕэр наадыйаллар эбит. Ким эмэ көмө көрдөөтөҕүнэ аккаастаныма. Майгыҥ мөкү өрүттэринэн дьону өһүргэтиэххин, этиһэн туруоххун сөп.
Скорпион. Ситиһии бэйэҥ илиигэр диэн санаанан салайтарыаҥ. Элбэҕи, саҥаны былаанныыгын. Ардыгар аһара былааннаан баран туолбут курдук санаан хаалларан кэбиһиэххин сөп. Былааннаргын чугас дьоҥҥун кытта үллэстэ үөрэн.
Охчут. Инники былааннары торумнуурга, улахан малы-салы атыылаһарга сөптөөх нэдиэлэ үүммүт. Бу кэмҥэ санаабытыҥ барыта этэҥҥэ олоххо киириэҕэ. Онон бу күннэргэ арыый эппиэтинэстээх буоларга кыһан.
Чубуку. Олоҕу уустугурдубакка сып-сап хамсанар үтүө өрүтүҥ бу да сырыыга көмөлөөх буолуоҕа. Дьон эйиэхэ талаһар, ытыктыыр. Бырааһынньык эбэтэр айылҕаҕа аймаҕынан тахсыы настарыанньаҕын тупсарыаҕа.
Күрүлгэн. Күүһүҥ-кыаҕыҥ тыган олоруо. Ол эрээри сынньанан ылары умнубатыҥ, доруобуйаҥ туругун кэтэнэн көрөрүҥ ордук. Саҥаны ылсарга тоҕоостоох кэм. Тус олоҕу үлэни кытта биир кэрдиискэ тут, үлэҕэ бас бэринимэ.
Балыктар. Үлэттэн тэйэн сынньанарга уолдьаспыт. Былаан, сорук туолар чинчилээх. Үлэҕэ бытархай харгыстар көстүөхтэрин сөп. Ол эрээри баар түбүгү барытын кыайа тутуоҥ. Оҕолоргор дьоһуннук сыһыаннаһарга кыһан.