Кулун тутар 21-23 күннэригэр дойдубут тэбэр сүрэҕэр Москва куоракка бүтүн Арассыыйатааҕы “Леонардо” бэстибээлэ улахан научнай-практическай конференция буолан ааста.
Бу тэрээһиҥҥэ эрэгийиэннээҕи бастакы түһүмэҕи ааспыт барыта 1900 оҕо кыттыыны ылла. Куоҥкурус Менделеев аһымал пуондата, Бауман аатынан МГТУ, филология института, «Вестник образования» сурунаал, Ломоносов аатынан МГУ, Д.Менделеев аатынан РХТУ, Арассыыйатаа5ы норуоттар икки ардыларынааҕы туризм академията көҕүлээһиннэринэн “Измайлово” киинигэр тэриллибит. Бастакы түһүмэҕи ситиһилээхтик ааһан биһиги улууспутуттан 4 оҕо кыттыыны ыллылар. Ол курдук, «Литературоведческая» секцияҕа Маар-Күөл орто оскуолатыттан 9-с кылаас үөрэнээччитэ Александр Михайлов, сал. Алена Максимова кыайыылаах үрдүк аатын ылан «Көмүс кубогынан» наҕараадаланнылар. Онтон «Социальные инициативы и прикладные исследования» секцияҕа Сунтаардааҕы 1№-дээх оскуолаттан Кэскил Прокопьев 7-с кыл. үөрэнээччитэ, сал. Антонина Прокопьева , Күннэй Заровняева эмиэ бастакы миэстэни ылан «Көмүс кубогы” ыллылар. Ону тэҥэ, Аселия Андросова Сунтаарадааҕы 1№-дээх оскуола 6-с кылаас үөрэнээччитэ сал. Лариса Андросова финалист мэтээлинэн наҕараадаланна уонна Дарина Молосокова “История” секциятыгар муус устар 4 күнүгэр кыттыаҕа, сал. Тамара Степанова.
Оҕолор билиини-көрүүнү тургутар киэҥ далааһыннаах күрэскэ кыттан умнуллубат, долгутуулаах күннэри атаардылар. Ситиһиилээх оҕолорго, учууталларга истиҥ эҕэрдэбитин тириэрдэбит.
Алена ИВАНОВА