Сунтаардааҕы социальнай харалта управлениетын начальнига Михаил Тимофеев:
— Бэҕэһээ дойдубут бэрэсидьиэнэ Владимир Путин Дьокуускайга кэлэн барда. Бу көрсүһүүнү дьон-сэргэ олус күүппүтүн билэбит. Владимир Владимирович Саха сирэ ИТ эйгэтигэр ситиһиилээхтик үлэлиирин, дойду бу хайысхаҕа сайдарыгар улахан оруоллааҕын бэлиэтээбитин биһирии да, сахам дьонунан киэн тутта да иһиттим. Ыччат дьоммут бу эйгэҕэ дьоҕурдара, кыахтара арылларыгар өйөбүл инникитин да баар буолуоҕар эрэллээхпин. Маны таһынан култуура, медицина, үөрэх эйгэтигэр үлэлии-хамныы олорор дьону кытта көрсөн ыйытыыларга хоруйдууругар Уһук Хоту үлэлииргэ бэриллэр эбииликтэн нолуок тутуллуо суохтааҕын, Бырабыыталыстыбаҕа оннук сорудах бэриллиэҕин эттэ. Дьэ бу олоххо киирдэр, олус бэрт буолсу диэн эрэнэ күүтэбит. Хоту дойду тыйыс усулуобуйата, үлэлииргэ, олорорго уустуга учуоттанара бэрт буоллаҕа.
