Кулун тутар 12-13 күннэригэр Дьокуускай куоракка кыргыттарга уонна уолаттарга( 2007-2008 с.т.) национальнай многоборьеҕа өрөспүүбүлүкэҕэ бастыыр иһин күрэхтэһии буолла. Манна биһиги улууспутуттан Владимир Потапов уонна Жанна Чалбанова үрдүк көрдөрүүлээхтик кытыннылар. Ол курдук, Владимир үс төгүл үскэ I, тутум эргииригэр VII, мас тардыһыыга VI, 400 м дистанцияҕа сүүрүүгэ II, хапсаҕайга II миэстэлэри ылан, уопсай очукуота 18 буолан өрөспүүбүлүкэҕэ иккис миэстэҕэ таҕыста.
Оттон Жанна үс төгүл үскэ II, тутум эргииргэ II, 400 м сүүрүүгэ IX миэстэлэри ылары ситистэ. Кыыс уопсай очукуотунан 3 миэстэни ылла.
Онон кинилэр от ыйыгар Тааттаҕа ыытыллар Манчаары оонньууларыгар кыттар путевканы туттулар.
Бу иннинэ эр дьоҥҥо уонна дьахталларга национальнай многоборьеҕа кэргэннии Мичийэ, Тимофей Большаковтар иккиэн бастакы миэстэлэргэ тахсан, эмиэ Манчаарыга кыттар быраабы ылбыттара.
Национальнай многоборьеҕа биһиги улууспут хамаандата өрөспүүбүлүкэҕэ бастакы миэстэлээх.
Яина ВЛАСЬЕВА