Сунтаар ыһыаҕын иккис күнүгэр үгэскэ кубулуйбут, дьон болҕомтотун күүскэ тардар «Маччаҕа Бөҕө» күрэхтэһиитигэр барыта 14 спортсмен кытынна. Ол иһигэр Сунтаар, Миринэй, Бүлүү, Үөһээ Бүлүү улуустарынэр спортсменнара успуорт 5 көрүҥэр күрэхтэстилэр.
Ол курдук: «Үс төгүл үс» көрүҥҥэ 1-кы миэстэни Андрей Семенов (Мииринэй) ылла, 2-с миэстэ Павел Павлов (Сунтаар), 3-с миэстэ Айаал Никифоров Айаал ( Бүлүү) буоллулар.
Мас тардыһыыга — 1-кы миэстэ Ньургун Антонов (Аллыҥа), 2-с миэстэ Павел Павлов, 3-с Иван Джуалов (Уһун Күөл) буоллулар.
Сүүрүүгэ — 1-кы миэстэ Айаал Никифоров, 2-с миэстэ Ньургун Антонов, 3-с миэстэ Андрей Семенов буоллулар.
Хапсаҕайга — 1-кы м. Андрей Семенов, 2-с м. Ньургун Антонов , 3-с м. Владимир Михайлов Владимир (Мииирнэй).
Таас көтөҕүүтэ — 1-кы миэстэ Владимир Михайлов, 2-с м. — Ньургун Антонов, 3-с м. Иван Джуалов (Уһун Күөл).
Уопсай түмүгүнэн Сунтаар улууһун 2024 ыһыаҕын «Маччаҕа Бөҕө» күрэхтэһиитин кыайыылааҕынан Аллыҥа нэһилиэгин бөҕөһө Ньургун Антонов таҕыста. Иккис миэстэни Мииринэй улууһуттан сылдьар ыалдьыппыт Андрей Семенов ылла. Үһүс миэстэҕэ эмиэ Мииринэй улууһуттан сылдьар Владимир Михайлов таҕыста.
Семен САМОРЦЕВ