Маар Күөлгэ нэһилиэнньэ олохтоохторун көрдөһүүлэринэн, успуорт саалата Сунтаар улууһун дьаһалтата үп харчы көрөн, 70-тан тахса үөрэнээччилээх оскуолаҕа силбэһэн тутулла турар. Бу саалаҕа оҕолор успуордунан дьарыктаналларыгар толору хааччылыылаах, дьарыктанарга бары өттүнэн усулуобуйалаах.
Билигин тутуу түмүктүүр үлэтэ бара турар. Ол курдук ититиитэ, уота, уута уонна салгылатыыта киирэн, ис өттүгэр аҕыйах оҥоһуу хаалан турар. Үлэ барыта былаан быһыытынан ыытылла турар уонна саала саҥа дьылга диэри үлэҕэ киирэрэ күүтүллэр.
Дмитрий ЫМЫЧАНОВ