Бу күннэргэ Сунтаардааҕы политехническай лиссиэй-интэринээт үөрэнээччилэрэ Сунтаар нэһилиэгин аҕам саастаах олохтоохторугар тимуровскай көмө оҥордулар. Кырдьаҕастарга оҕолор кыстык саһааннарын хайытан, сааһылаан, туруоран биэрдилэр.
Бу үлэҕэ Андрей Алексеев салайааччылаах 9 “в” кылаас, Валерия Данилова кылаас салайааччылаах 9 “б” кылаас уонна Валентина Фомина 10 “а” кыааһын үөрэнээччилэрэ көхтөөхтүк кытыннылар. Учууталларга, үөрэнээччилэргэ кырдьаҕас, саастаах дьон махтанан үтүө тылларын эттилэр.
Ааптар: «Сунтаар сонуннара»