Олунньу 12 күнүгэр А.К. Акимов аатынан Күүкэй орто оскуолатыгар 4-с кылаас үөрэнээччилэрин ортотугар 10-с төгүлүн ыытыллар «Саҥа көлүөнэ бастыҥ үөрэнээччитэ – 2025» куоҥкурус буолан ааста. Куоҥкурус дьулуурдаах, чаҕылхай, интеллектуальнай сайдыылаах оҕолору арыйарга ыытылынна. Маны сэргэ, алын кылаас үөрэнээччилэрин ортотугар үөрэх-билии интэриэһин үрдэтиигэ туһуланна.
Куоҥкурус сүрүн сыала-соруга – талааннаах уонна дьоҕурдаах оҕолору буларга, тус уратыларын сайыннарарга сөптөөх усулуобуйаны тэрийии, ону тэҥэ үөрэнээччилэри үөрэхтээһиҥҥэ, айар уонна интеллектуальнай үлэҕэ көҕүлээһин буолар.
Быйыл куоҥкурус Арассыыйаҕа Аҕа дойдуну, СӨ Ийэ дойдуну көмүскээччи, Сунтаар улууһугар С.А. Зверев-Кыыл Уолун сылларыгар ананан ыытылынна. Бырагыраама икки түһүмэхтэн турда: виртуальнай уонна очнай. Виртуальнай түһүмэх чэрчитинэн 31 кыттааччы бэйэлэрин талааннарын уонна ситиһиилэрин көрдөрөр видеовизиткаларын билиһиннэрбиттэрэ.
Түмүктүүр түһүмэххэ түөрт тургутууну аастылар. Ол курдук, интеллектуальнай турга кыттааччылар билиилэрин-көрүүлэрин бэрэбиэркэлээһин. Бырайыактары уонна дакылааттары көмүскээһиҥҥэ чинчийэр дьоҕуру уонна сатабылы көрдөрүү. Музыкальнай турга айар потенциалы вокальнай эбэтэр инструментальнай толоруунан арыйыы.
Прикладной айымньыга араас маастарыстыбаларын көрдөрүү буолла.
Кыттааччылары компетентнай экспертнэй бөлөх сыаналаата. Ярослав Федотов, А.К. Акимов аатынан Күүкэй орто оскуолата – 1-кы истиэпэннээх лауреат. Роман Иванов, В.Г. Павлов аатынан Сунтаар алын сүһүөх оскуолата – 2-с истиэпэннээх лауреат. Ангелина Ероскумова, Толоон оскуола-саада – 3-с истиэпэннээх лауреат. Сайаана Данилова, В.Г. Павлов аатынан Сунтаар алын сүһүөх оскуолата – 1-кы истиэпэннээх дипломант. Харысхан Семенов, В.И. Иванов аатынан Кэмпэндээйи политехническай орто оскуолата – 2-с истиэпэннээх дипломант. Ян Васильев, Илимниир орто оскуолата – 3-с истиэпэннээх лауреат. Чаҕыл Амбросьев, И.Г. Спиридонов аатынан Кириэстээх политехническай орто оскуолата – “Талант Года” анал аат. Юлиана Никитина, Г.Е. Бессонов аатынан Тойбохой оскуолата – “Самый креативный” анал аат. Лев Михайлов, Сунтаардааҕы санаторнай оскуола — “Активист Года” анал аат. Айуран Поротов – “Лучшая визитка” анал аат. Лидия Подрясова, А.П. Павлов аатынан Сунтаар 1 нүөмэрдээх оскуолата – “Зрительская симпатия” анал аат. Дамир Степанов , С.А. Зверев аатынан Түбэй Дьаархан оскуолата — “За волю к победе” анал аат. Алгыстан Софронеев , Хоро орто оскуолата — “Дебют Года” анал аат. Артем Ткаченко , В.Г. Павлов аатынан Сунтаар алын сүһүөх оскуолата — “Лучший эрудит” анал аат.
Быйылгы куоҥкуруска муҥутуур кыайыылаах аатын Б.Н. Егоров аатынан Күндэйэ орто оскуолатын 4-с кылааһын үөрэнээччитэ Арылхан Дьяконов (учуутал Львова Л. Г.) ылла.
«Саҥа көлүөнэ бастыҥ үөрэнээччитэ – 2025» куонкурус биһиги улууспут оскуолаларыгар дьулуурдаах, талааннаах уонна айымньылаах оҕолор үөрэнэллэрин бигэргэттэ. Оҕолорбутун эҕэрдэлиибит, инникитин да үрдүк ситиһиилэри баҕарабыт!
Сунтаар үөрэҕириитин пресс сулууспата