Сунтаар улууһугар кыстыкка киирии түбүктээх үлэтэ саҕаланна.
Бу күннэргэ тыа хаһаайыстыба ын эйгэтигэр үлэлиир дьон түбүктэрэ улаатта. Ол курдук, кыстыкка киирии эппиэттээх кэмнэригэр улуус үрдүнэн 17296 төбө сүөһү хотоҥҥо киирдэ. Бу мантан ыанар ынах ахсаана — 5865, ньирэйэ — 4370.
Оттон сылгы ахсаана — 16948 төбө, ол иһигэр 7473 биэ. 4604 кулун төрөөбүт.
Быйыл сайын уопсайа 31945 т. от оттонно уонна 3639 т. сиилэс бэлэмнэниллибит.
Ону кытта быйыл улууска 924т. хортуоппуй хостоммут уонна 237,70 т. оҕуруот аһа хомуллубут.
Онон быйылгы былаан окко, оҕуруот аһылыгар былаан туолбут.
Дмитрий ЫМЫЧАНОВ