Кэмпэндээйи оскуолатыгар үөрэнээччилэргэ саха тылын дэкээдэтин чэрчитинэн, Улуу Кыайыы 80 сылыгар аналлаах «Кыайыы хоһооно» көрүү-күрэх буолан ааста. Тэрээһини дириэктэри иитэр-үөрэтэр үлэҕэ солбуйааччы, саха тылын учуутала Нарыйа Кондратьева иилээн-саҕалаан ыытта. Эҕэрдэ тылыгар мустубут оҕолорго, учууталларга быйылгы саха литературатын, Улуу Кыайыы, Сергей Зверев-Кыыл Уола өрөгөйдөөх сылларын тоһоҕолоон бэлиэтээтэ.
Бастаан алын кылаас үөрэнээччилэрэ ааҕан саҕалаатылар. 2-с кылаас үөрэнээччилэрэ биир дойдулаахпыт Леонид Попов «Кыайыы» диэн хоһоонун доргуччу аахтылар. Салгыы бары кылаастартар биирдилээн да, бөлөҕүнэн да тахса-тахса үөрэппит хоһооннорун аахтылар. Дьүүллүүр сүбэ быһаарыытынан бастакы миэстэни 2-с кылаастарга (салайааччы Карина Григорьева) биэрдилэр. 2-с миэстэни үһүс кылаастар (салайааччы Александра Евсеева) «Аҕа дойдуну көмүскээччилэр» диэн хоһоону ааҕан ыллылар, онтон 3-с миэстэ алтыс кылаас (салайааччы Александра Гурьева) кыргыттара Мила Корякина, Мичийэ Герасимова Иннокентий Артамонов «Эдэр ыччат ырыата» диэн хоһоонун ааҕан буоллулар. Кыайыылаахтар харчылаах сэртипикээттэри, минньигэс кэмпиэттэри туттулар.
Татьянин МЕСТНИКОВА, бибилэтиэкэр, Кэмпэндээйи