Куокуну үөрэнээччилэрэ аахсыйаҕа кыттыһаллар

Быйыл дойдубутугар Аҕа дойдуну көмүскээччи, Сахабыт сиригэр Ийэ дойдуну көмүскээччи сыллара биллэриллэн дойдуга бэриниилээх буолууга иитэр сыһыаннаах араас хабааннаах тэрээһиннэр ыытыллаллар.

Куокуну оскуолатын үөрэнээччилэрэ байыаннай дьайыыга сылдьар саллааттарга анаан «Талисман солдату», «Письмо солдату» аахсыйаҕа кыттыстылар. Аахсыйа нэһилиэк дьахталларын сэбиэтин чилиэнэ, омук тылын учуутала Алевтина Федорова көҕүлээһининэн ыытылынна.

Оҕолор ис сүрэхтэриттэн истиҥ оҥоһуктары оҥордулар, суруктары суруйдулар. Ол курдук, 6-с кылаас оҕолоро маһынан выжигание ньымананан оттон 10-с кылаастар таҥаһынан уонна кылынан киэргэтэн харысхаллары оҥордулар. Атын кылаастар кыайыыга кынаттыыр, этэҥҥэ эргиллэн кэлэллэригэр, күүстээх санааны саҕар истиҥ суруктары, аккырыыккалары уруһуйдаатылар.

Оҕолор «оҥоһукпутун  тутан саллааттар сүргэлэрэ көтөҕүллүө, сырдыкка эрэллэрэ күүһүрүө» диэн долгуйа кэпсээтилэр…

 

 

 

Алена ИВАНОВА

Читайте дальше