Бүгүн, муус устар 4 күнүгэр, култуура миниистирэ Афанасий Ноев Сунтаар улууһугар үлэлээтэ. Ол курдук, күн бастакы аҥаарыгар Кириэстээххэ саҥа кулууп тутуутун билистэ. Оттон эбиэттэн киэһэ С.А. Зверев — Кыыл Уолун аатынан норуот айымньытын киинигэр култуура эйгэтин үлэһиттэрин кытта сүбэ мунньаҕы ыытта. Мунньах эһиил ыытыллар С.А. Зверев-Кыыл-Уола 125 сыллаах үбүлүөйдээх өрөспүүбүлүкэтээҕи ыһыаҕын тэрээһинигэр туһуланна. Ону таһынан көрсүһүүгэ кэлбит култуура тэрилтэлэрин үлэһиттэрэ үлэ-хамнас тула санааларын үллэһиннилэр, туруорсуулар да этилиннилэр.
Алена ИВАНОВА
