Кылгас тэттик сүбэлэр
Киһини куттуур, соһуччу аймыыр ыарахан сонуну истэртэн киһи бэйэтин төһө кыалларынан харыстаныахтаах. Төһө да күүстээх санаалаахпыт, кыахтаахтаахпыт дии санаабыккытын иһин, оннук сананар да дьоҥҥо, санаммат да дьоҥҥо көмө наада буолар. Бэйэни харыстаныы бэйэҥ өттүгүттэн баар буолуохтаах. Бэйэни харыстыырга эһиэхэ анаан маннык сүбэлэри үллэстэбит:
- Соһуччу кутталлаах сонуну иһиттэххитинэ аан маҥнай 1-2-тэ үөһэ тыыныҥ, тыыныы эрчиллиилэрин оҥоруҥ.
- Төһө кыалларынан куһаҕан сонуннары истибэт, көрбөт буола сатааҥ.
- Социальнай ситимнэр бэйэлэрэ туспа сыаллаах үлэлииллэрин өйдөөҥ.
- Истибит сонуҥҥутун киһиттэн киһиэхэ кэпсээн оҥостумаҥ, онно- манна тарҕатымаҥ.
- Бу күннэргэ куйаар ситимнэригэр кииримэҥ.
- Күннээҕи олоххут түбүгэр төннүҥ, атын куһаҕаны тугу да санаамаҥ.
- Бэйэҕит сөбүлүүр дьарыккытынан дьарыктаныҥ, дьиэҕитигэр-уоккутугар, үлэҕитигэр болҕомтото ууруҥ.
Араас быһылааннар кэннилэритн хас биирдии киһи уйулҕата ыһыллан ылар, киһи куттанар, ньиэрбэбит хамсыыр. Бэйэҕитигэр уонна чугас дьоҥҥутугар харыстабыллаахтык сыһыаннаһыҥ, олус элбэҕи санаан барымаҥ. Олох салҕанар, олох бэйэтин тэтимин салҕыыр. Доруобай буолуҥ!
Алена ПАВЛОВА, Сунтаардааҕы психологическай киин социальнай педагога.