Оройуон кылаабынай бырааһа Анатолий Назаров иһитиннэрбитинэн, бүгүҥҥү күн туругунан 4 киһи ковидтаабыта бигэргэтиллибит. Онтон икки түгэнэ — дьиэ кэргэнинэн ыалдьан эмтэниини барар. Ону сэргэ билигин да ОРВИ-нан ыалдьыы элбэх.
Биир киһи клещкэ ытыттаран, балыыһаҕа кэлэн ыллартарбыт. Кылаабынай быраас клеһи утары быһыыны ойуур хаһаайыстыбатын үлэһиттэрэ, тыаҕа, ойуурга элбэхтик сылдьар дьон ылаллара нааадатын санатта. Онтон хас биирдии киһи — тыаҕа, айылҕаҕа тахсааччы таҥнар таҥаһын көрүнэн сылдьыахтааҕын бары да билэбит. Бэйэ-бэйэни кэтэнэн көрүү эмиэ наада.
Өскөтүн клещкэ ытыттартардаххытына, бэйэҕит тута оруурга бириэмэни бараабакка, чугастааҕы медпууҥҥа эбэтэр балыыһаҕа суһаллык тиийэргит ордук. Клещ эккэ киирбитин, киһи анал көмөтө суох ороон таһаарыан сөп эрээри, сыыһа тутуннахха төбөтө иһирдьэ быстан хаалар кутталлаах.
Яина ВЛАСЬЕВА