Олохтоох көҕүлээһини өйүүр бырагыраама тыа сирин сайдыытыгар улахан көмөлөөх. Маны нэһилиэнньэ табатык өйдөөн нэһилиэктэр дьаһалталара ыытар үлэлэригэр көхтөөхтүк кыттар, санаатын тириэрдэр.
Бырагыраамаҕа киирбит бырайыак кыттыгас үбүлээһин суотугар толоруллар, ол иһигэр үбүлээһин сорох бырыһыана нэһилиэнньэттэн хомуллар. Онон дьон туруорсар боппуруоһа олоххо киириитигэр бэйэлэрин кылааттарын киллэрсэллэр.
Бу бырагыраама чэрчитинэн биһиги улууспут үгүс нэһилиэктэригэр сайыҥҥы уу ситимиэ тардыллан, олохтоохтор абыраннылар. Холобур, бу күннэргэ ППМИ бырагырааматынан Кириэстээххэ сайыҥҥы уу ситимин иккис уочарата “Сайдыс” түөлбэҕэ киириэҕэ. “Партнер” ХЭТ аукциоҥҥа кыайан үлэни ыытар.
Ааптар: Яина Власьева