«Чудеса кино» онус төгүлүн ыытыллар оҕо мультипликациятын бэстибээлигэр Кириэстээхтэн «Кэрэмэс» студия оҕолоро бэйэлэрин үлэлэринэн кытыннылар. Студияны Анатолий Афанасьев салайбыта хаһыс да сыла.
Бу бэстибээлгэ Данилова Вика Гран-при ылан, “Алиса” диэн “өйдөөх” колонканы сэргэ “DNS” маҕаһыын 60 тыс. суумалаах картатын хаһаайката буолла. Оттон Макаринскай Коля “Үчүгэй да дойду” үлэтинэн 1-кы истиэпэннээх дьупулуомунан наҕараадаланна.
Маны таһынан То:ку фест диэн ааттаммыт Сахабыт сирин аниматордарыгар аналлаах ойуулук бэстибээлигэр Данилова Вика 1 истиэпэннээх дипломунан уонна “DNS” маҕаһыынтан 15 тыһ. суумалаах сэртипикээтинэн наҕараадаланна. Виктория «Айтал уонна аптаах күүс» постерынан кыттыбыта.
“Кэрэмэс” студия оҕолорун Викалаах Коляны ситиһиилэринэн эҕэрдэлиибит!
«Сунтаар сонуннара» хаһыат