Аныгы кэмҥэ балысханнык сайдан эрэр искусственнай интеллект көмөтүнэн айбыт нейросети аан бастаан 2022 сыл бүтүүтэ OpenAl хампаанньа ChatGPT диэн ааттаан чат-бот таһаарбыта. Кылгас кэм иһигэр атын араас нейросеттэр баар буоллулар. Билиҥҥи көмпүүтэр, интернет үйэтигэр бу нейросеттэр туһалара элбэх. Араас тиэкиһи, хаартыскалары, уруһуйдары, киинэлэри оҥоруохха сөп эбит, бэл, музыка айар нейросеттэр кытары баар буоллулар. Маны сатаан таба тутта үөрэннэххэ туһалара элбэх курдук. Ол иһин бибилэтиэкэ иһинэн үлэлиир «БилииБиб» (билиини библиотекаттан) лекторий нейросеттэр туһунан вебинар ыытта.
Манна спикерынан Сунтаардааҕы кииннэммит бибилэтиэкэлэр ситимнэрин ИКТ отделын сүрүннүүр үлэһитэ Мария Томская буолла. Мария Ивановна кэлбит оҕолорго, учууталларга Арассыыйаҕа биир улахан ситимнээх Яндекс хампаанньа оҥорбут нейросеттэрин, Сбер хампаанньа GigaChat телеграмм ханаалга баар чат-ботун уонна Америкаттан Suno хампаанньа музыка айар нейросетин туһунан сиһилии кэпсээтэ. Манна 8-с кылаас үөрэнээччитэ Ванесса Протодьяконова нейросеть көмөтүнэн айбыт хоһоонугар тута матыыбын айдаран көрдөрдө.
Түмүккэ, аныгы интернет үйэтигэр нейросеттэри сөпкө туттар буола үөрэннэххэ элбэҕи ситиһиэххэ сөп эбит диэн өйдөбүл киирдэ. «Эдэр кыраайы үөрэтээччи» кулуубугар сылдьар оҕолор маны үөрэххэ, үлэҕэ туһанарга салҕыы үөрэтиэхтэрэ.

Нейросеть көмөтүнэн оҥоһуллубут XVII үйэҕэ Саха Сирин үөрэтэ кэлбит эспэдииссийэ кыттыылаахтара
Татьяна МЕСТНИКОВА, бибилэтиэкэр.
Барыылаах Бадыана хаартыскалара, Кэмпэндээйи