Л.А. Попов аатынан Сунтаардааҕы киин бибилэтиэкэ ааҕар саалатыгар Бүтүн Арассыыйатааҕы Хомсомуол 105 сылыгар аналлаах көлүөнэ көрсүһүүтэ буолан ааста. Бу бэлиэ күҥҥэ Сунтаар оскуолатын 11-с кылааһын үөрэнээччилэрэ урукку хомсомуол лидердарын Альбина Прокопьеваны, Зинаида Иванованы, Людмила Игнатьеваны кытта көрсөн, кинилэр ааспыт кэминээҕи хомсомуол күүрээннээх олохторун сэргээн иһиттилэр. Билиҥҥи ыччат олоххо көхтөөхтүк кыттыһан, сайдан иһэллэригэр баҕа санааларын урукку комсомолецтар эттилэр. Маны сэргэ оҕолор хомсомуолга аналлаах кинигэ быыстапкатын кытта билистилэр.
Түмүккэ, оҕолор билиҥҥи кэмҥэ хомсомуол диэн тэрилтэ баара буоллар, хомсомуол кэккэтигэр киириэхпит этэ диэн санааҕа кэллилэр.
Мария АЛЕКСЕЕВА