Уһук Илин эрэгийиэҥҥэ олорор доруобуйаларынан хааччахтаах бэйэ дьарыктаах уонна урбаанньыт дьоҥҥо анаан «Инвастартап ВОИ: Дальний Восток» сүлүөт буолуоҕа
Доруобуйаларынан хааччахтаах дьон Бүтүн Арассыыйатааҕы уопсастыбатын Саха сиринээҕи тэрилтэтэ, СӨ нэһилиэнньэ дьарыктаах буолуутугар судаарыстыбаннай кэмитиэтэ уонна СӨ урбаан, эргиэн уонна туризм министиэристибэтэ көҕүлээһиннэринэн, балаҕан ыйын 4-6 күннэригэр Дьокуускай куоракка «Инвастартап ВОИ: Дальний Восток» сүлүөт буолуоҕа. Доруобуйаларынан хааччахтаах дьон бэйэ дьарыктаах буолуутугар уонна урбаан хайысхаларыгар сатабылларын сайыннарар уонна олох хаачыстыбатын үрдэтэр сыаллаах тэриллэр.
Сүлүөт кэмигэр араас сэминээрдэр, быыстапкалар уо.д.а. буолуохтара. Сүлүөт кыттыылаахтарынан эрдэ биллэриллибит куоҥкуруска сайаапкаларын биэрэн, бырайыактарын, толкуйдарын оҥорон ыыппыт дьон буолар.
Елизавета ТИТОВА