Ааспыт ый бүтүүтэ гражданскай уопсастыбаны сайыннарыыга СӨ Ил Дарханын Гранын кыайыылаахтара биллибиттэрэ. Граҥҥа уопсайа 400 кэмиэрчэскэйэ суох тэриллиилэртэн 474 сайаапка киирбититтэн 77-тэ кыайыылаах тахсыбыта. Сунтаар улууһуттан 25 сайаапка барбытыттан 2 бырайыак Ил Дархан гранын кыайыылаахтара буолбуттара: Сунтаар улууһунааҕы (Хоро) «Содружество» уопсастыбаннай тэрилтэ патриоттуу иитии хайысхатыгар «Көлүөнэ ситимэ» уонна судаарыстыбаннай уонна официальнай тыллары өйүүргэ туһуламмыт бырайыактарга «Сунтаарым мин дойдум» улуус социальнай-экэнэмиичэскэй сайдыытыгар көмөлөһөр уопсас- тыбаннай тэрилтэ «Ырыа холумтана» бырайыактарынан.
Бүгүн, от ыйын 10 күнүгэр, Дьокуускай куоракка «Үлэ Кыбартаала» кластерга Ил Дархан Гранын кыайыылаахтарын чиэстээһин буолла. Бу тэрээһиҥҥэ»Сунтаарым — мин дойдум» кэмиэрчэскэйэ суох уопсастыбаннай тэрилтэ салайааччыта Людмила Пустолякова уонна хамаанда чилиэнэ Ньургуйаана Данилова кыттыыны ыллылар.
Быйылгы Ил Дархан Гранын кыайыылаахтарыгар туоһу суруктары, түөскэ кэтэр анал бэлиэлэри туттардылар.
«Сунтаар сонуннара» хаһыат.
