Икки күн түмүгүнэн улууска 8980 киһи быыбардаата

Дойду бэрэсидьиэнин быыбара кулун тутар 15-17 күннэригэр буола турар. Улууспутугар быыбардыыр 31 учаастак бэҕэһээ сарсыарда 8 чаастан үлэтин саҕалаабыта. Уопсайа улууска 14504 быыбардааччы баар. Мантан бу икки күҥҥэ 8980  быыбардаата. Ол аата быыбарга кыттыы 61,91 бырыһыаҥҥа тэҥнэстэ диэн Сунтаардааҕы территориальнай быыбардыыр хамыыһыйа бэрэссэдээтэлэ Наталья Яковлева иһитиннэрдэ.

Олохтоохтор дьиэ кэргэнинэн, үгүс дьон сахалыы сайбаччы таҥнан кэлэн өрө көтөҕүллүүлээхтик бу дойдубутугар улахан суолталаах тэрээһиҥҥэ кытта сылдьаллар.

Бүгүн, кулун тутар 16 күнүгэр дьону быыбарга ыҥыран араас тэрээһиннэр бары учаастакка ыытылыннылар. Холобур, ас-үөл атыыта, олотоох маастардарбыт оҥоһуктарын атыылаатылар. Ону сэргэ култуура үлэһиттэрэ ырыалаах-тойуктаах быыбардыыр учаастактарынан сырыттылар. Ылбаҕай ырыаларын сэргэ дьону быыбарга көхтөөхтүк кытталларыгар ыҥырдылар. Л.А.Попов аатынан кииннэммит бибилэтиэкэҕэ «Ааһан иһэн ааҕан аас» диэн аахсыйа тэрилиннэ. Манна ким баҕалаах бибилэтиэкэҕэ кэлэн сахалыы кэпсэээннэри доргуччу аахтылар. Онон быыбарга дьону көҕүлүүр тэрээһин олус бэркэ табыллан тэриллибит диэн дьон астына кэпсэтэр.  Өссө бүгүн Сунтаар нэһилиэгин иһигэр бары хайысханан улуустааҕы «АТП» МАУ автобустара дьону босхо тастылар. Сарсын эмиэ сүүрүөхтэрэ.

Яина ВЛАСЬЕВА

Читайте дальше