Балаҕан ыйын 2 күнүгэр Л.Попов аатынан Арыылаах агрохайысхалаах оскуолатыгар икки бүк бэлиэ түгэн буолла. Билии күнүгэр аналлаах линейка уонна “Үөрэҕирии” национальнай бырайыак «Хас биирдии оҕо ситиһиитэ» федеральнай бырайыагын чэрчитинэн спортивнай былаһаакка аһылынна. Саҥа спортивнай былаһааккаҕа оҕону эт-хаан өттүнэн сайыннарарга аналлаах тардынар, хаамар, былчыҥнары хачайдыыр тренажердар турдулар. Былаһаакканы үөрүүлээхтик арыйыыга нэһилиэк баһылыга Иван Игнатьев, үөрэнээччилэр, учутталлар, төрөппүттэр кыттыыны ыллылар. Кыһыл лиэнтэни быһар чиэс нэһилиэк баһылыгар Иван Игнатьевка, оскуола дириэктэригэр Лидия Никитинаҕа, физкультура учууталыгар Никифор Петровка уонна оскуола үүнэн иһэр спортсменыгар Марк Тихоновка тигистэ.
Оҕолор, төрөппүттэр саҥа тупсаҕай былаһааккаттан олус үөрдүлэр, астыннылар. Манна оҕолор, эдэр ыччаттар дьарыктаныахтара, доруобуйаларын тупсарыахтара. Араас спортивнай ситиһиилэр кэлэллэригэр былаһаакка оруола улахан буолуо диэн эрэнэбит.
Надежда ПЕТРОВА,
дириэктэри иитэр үлэҕэ солбуйааччы