Кьяра Аммосова, 6 саастаах, «Ньургуһун» оҕо сайдар киинин иитиллээччитэ:
– Мин баспытааталым аата Алена Гаврильевна Николаева. Кини наһаа үчүгэй. Кыыһырбат. Мэлдьи үөрэ сылдьар. Биһигини алаадьы, баахыла астыырга үөрэппитэ. Группабытыгар элбэх бырааһынньыктар буолаллар. Дьарыктанабыт, күрэхтэһэбит, уруһуйдуубут уонна музыка истэбит. Өссө биһиги «Көмүс балыкчаан» остуоруйаны туруорбуппут. Мин онно ийэ оруолун толорбутум. Алена Гаврильевна уонна бары уһуйаан үлэһиттэрэ мэлдьи үөрэ сырыттыннар, доруобай, дьоллоох буоллуннар.
Анна Герасимова, 4 саастаах, «Березка» уһуйаан иитиллээччитэ:
– Мин баспытааталларым Оксана Дмитриевна, Антонина Анатольевна. Кинилэр биһиэхэ элбэх ырыаны, хоһоону үөрэтэллэр, остуоруйаны кэпсииллэр. Биһиги ону сөбүлүүбүт. Мин баспытааталларбын, уһуйааммын таптыыбын уонна кинилэри барыларын эҕэрдэлиибин. Варвара Егоровна эмиэ иитээччи идэлээх кинини эмиэ эҕэрдэлиибин.
Алмаз Лазарев, 5 саастаах «Чебурашка» оҕо сайдар киинин иитиллээччитэ:
– Мин иитээччим Анна Николаевна диэн ааттаах. Кини наһаа кыраһыабай, үчгэйдик таҥнар. Биһиэхэ остуоруйа кэпсиир, элбэх дьарыгы ыытар, олус элбэх таабырыны билэр. Кини таабырыннарын биһиги сороҕор таайааччыбыт суох. Кэнсиэркэ оҕолору үҥкүүлэтэрин, ыллатарын сөбүлүүр. Мин кинини таптыыбын!
Дайаана Иванова, 4 саастаах, «Чебурашка» оҕо сайдар киинин иитиллээччитэ:
— Мин баспытааталларым ааттара Любовь Гаврильевна Дмитриева, Мария Евгеньевна Герасимова, иитээччи көмөлөһөөччүтэ Лия Семеновна Павлова. Бэлиэ күнүнэн кинилэри уонна бары уһуйаан үлэһиттэрин эҕэрдэлиибин. Үлэҕитигэр ситиһиини, доруобуйаны элбэх дьоллоох түгэннэри баҕарабын.
Емельян Павлов, 5 саастаах, «Сардаана» оҕо сайдар киинин иитиллээччитэ.
—Мин баспытааталларым ааттара Анастасия Петровна Иванова, Туйаара Валерьевна Максимова, Валентина Дмитриевна Андросова, Галина Михайловна Пахомова. Кинилэр биһигини элбэххэ үөрэтэллэр. Араас оонньуулары оонньуубут, күрэхтэһэбит, дьарыктанабыт. Иитээччи күнүнэн эҕэрдэлиибин, дьоллоох доруобай буолуҥ, үлэҕитигэр дабайыыны.
«Сунтаар сонуннара» улуус хаһыата