Муус устар 4-5 күннэригэр Үөһээ Бүлүү техникума үйэ аҥаардаах үбүлүөйүн чэрчитинэн производственнай үөрэхтээһин маастардарыгар уонна «Техническое обслуживание и ремонт автомобильного транспорта» дисциплина преподавателлеригэр “Идэтигэр бастыҥ” өрөспүүбүлүкэтээҕи куоҥкурус ыытылынна. Манна Сунтаардааҕы технологическай колледж производственнай үөрэхтээһиҥҥэ маастара Анатолий Тарасов ситиһиилээхтик кыттан «Лучший диагност электроники двигателя внутреннего сгорания» номинация кыайыылааҕа буолла.
Куоҥкурус түөрт модультан турбута. Хас биирдии модульга алдьаныы баарын балтараа чаас иһигэр туоратар, оҥорор сорудахтааҕа. Манна уопсайа аҕыс үөрэх тэрилтэтиттэн кыттыбыттара, — диэн кэпсиир Анатолий Егорович.
Биир дойдулаахпытын бу ситиһиитинэн эҕэрдэлиибит, чахчы да идэтигэр бастыҥ дьон үөрэтэр-такайар идэҕэ үлэлии-хамсыы сылдьалларыттан үөрэбит, киэн туттабыт.
«Сунтаар сонуннара» улуус хаһыата