Бүгүн, от ыйын 9 күнүгэр, ХХ өрөспүүбүлүкэтээҕи педагогтар дьаарбаҥкаларын иккис күнүгэр эбии үөрэхтээһин тэрилтэлэрэ үөрэх хаачыстыбатын тупсарар куурустарга үөрэннибит: «Управление качеством образования», «Функциональная грамотность» уо.д.а.
• Сунтаардааҕы 1-кы нүөмэрдээх оскуолаттан Прокопьева А.А. — «Ийэ тыл: оҕо, төрөппүт, иитээччи, учуутал» былаһааккаҕа;
• Кэмпэндээйи орто оскуолатын үс учуутала — «Будущее малой родины» былаһаакка дискуссиятыгар;
• Хоро орто оскуолатын дириэктэрэ
Софронеева М.Н., Илларионова Л.В., Федорова А.А,. Горбунова С.С.- педагогтар — «Будущее моей малой Родины» былаһааккаҕа. Манна СӨ Үөрэҕириитин миниистирэ Нюргуна Соколова уонна Инновационнай сайдыы киинин салайааччыта Дмитрий Титов кыттыыны ыллылар, тустаах сүбэлэри биэрдилэр.
• Сунтаардааҕы коррекционнай оскуола завуһа Федорова М.П., ст. баһаатай Спиридонова А.Ю. буолан «Вместе ради будущего: Центр принимает гостей» 17-с былаһааккаҕа кытыннылар. Бастакы күн «Создание ресурсного центра социально-психологической и педагогической поддержки детей с ОВЗ» бырайыактарын көмүскээтилэр. Иккис күн дискуционнай былаһааккаҕа кытыннылар. Бу былаһаакканы өрөспүүбүлүкэтээҕи психологическай, медико-социальнай арыаллыыр киин салайааччыта Чичигинаров К.К. салайан ыытта.
• Ааҕыы чөмпүйэнээтигэр Эдьигээн, Өлүөхүмэ, Үөһээ Бүлүү, Нам, Сунтаар, Мэҥэ Хаҥалас, Уус Алдан улуустарыттан 14 педагог кыттыыны ылла. Маннык ааҕыы чөмпүйэнээтэ аан бастакытын ыытыллан педагогтар улахан сэҥээриилэрин ылла. Манна дьүүллүүр сүбэ быһаарыытынан 3-с миэстэни Сунтаардааҕы технологическай колледж историяҕа преподавателэ Александра Семеновна Павлова ылла.
• *«Рисуем все»* өрөспүүбүлүкэтээҕи бырайыак чэрчитинэн Мэҥэ Хаҥалас улуустааҕы «Кэрэ Мэҥэ» ПЛЕНЭР-бырайыагынан саха литературатын төрүттээччи, поэт, бөлүһүөк, чинчийээччи А.Е. Кулаковскай – Өксөкүлээх Өлөксөй «Сайын кэлиитэ» айымньытынан дьүһүйүү-пленэр күрэххэ 1-кы миэстэни Сунтаар политехническай лиссиэй интэринээтиттэн Диана Вячеславовна Иванова ылла.
Сардаана АФАНАСЬЕВА.