Дойду дьоруойдара дэкээдэ чэрчитинэн ыытыллар «Вместе, к Победе!» диэн байыаннай-патриотическай пуорумҥа Дьокуускай куоракка Сунтаардааҕы «Харысхал» түмсүү кыттыыны ылла. Түмсүү кыттыылаахтара анал байыаннай дьайыы кыттыылаахтарыгар анаан оҥорор сиэккэлэрин, харысхалларын, чараас бэргэһэлэрин уо.д.а. тэриллэрин көрдөрдүлэр. Тэрээһин кыттыылаахтара сүрүн болҕомтолорун уопут, билии атастаһыытыгар туһаайдылар. Ол курдук, атын түмсүүлэр үлэлэрин көрдүлэр, билистилэр. Өссө тугунан уолаттарга көмөлөһүөххэ сөбүн тобуллулар. Ону тэҥэ, атын түмсүүлэри кытта ыкса сибээс олохтоотулар.
«Сунтаар сонуннара»
