Сунтаар ааттаах тустууктарынан биллэр. Успуорт бу көрүҥэр ыччаты күүскэ дьарыктыыллар. Кэнники кэмҥэ оҕо успуордун өрө тутан араас таһымнаах күрэхтэһиилэр Сунтаарга буолаллар.
Сунтаар спортивнай оскуолата оҕолору успуортка кɵҕүлүүр сыаллаах сотору-сотору араас таһымнаах күрэхтэһиилэри кыайа тутан ыытар. Холобур, биир ый иһигэр Тойбохойго, Сунтаарга улуустааҕы уонна Бүлүү түбэтин түмэр тустуу күрэхтэһиитин тэрийдэ, аны ый түмүгэр хапсаҕай ыытылынна.
Хас биирдии күрэхтэһии ааттаах-суоллаах спортсменнарга ананан ыытыллар. Оҕолорго хапсаҕай күрэхтэһиитигэр С.А. Зверев-Кыыл Уолун ансаамбылын кыттыылааҕар, ааттаах тустуукка Семен Зедгенидзев 91 сааһыгар ананан ыытылынна.
Улуустааҕы күрэхтэһиигэ73 оҕо кытынна. Оҕолор хапсаҕайы олус сɵбүлүүллэрэ аҥаардас муҥутуур кыайыылааҕы быһаарар түһүмэххэ бары суруттарбыттарыттан да көстөр.
Сунтаарга оҕо успуордун ɵйүүр дьон элбэҕэ үөрдэр. Уол оҕо эт-хаан ɵттүнэн эриллэн-мускуллан сайдарыгар көҥүл тустуу уонна хапсаҕай тɵһүүкөрүҥнэр буолаллар.
Тускулаана ГОРОХОВА-КОБЕЛЬЯНОВА