Бүгүн А.И Иванов аатынан Олимпийскай эрэллэри бэлэмниир оскуола манеһыгар хапсаҕайга сыл ахсын ыытыллар Сунтаар улууһун баһылыга Анатолий Григорьев Кубогын иһин Сунтаар улууһун нэһилиэктэрин иһинэн ыытыллар комплекснай Спартакиада түмүктэннэ.
Барыта 9 хамаанда киирэн күөн көрүстэ. Ол курдук үс бөлөх түмүгүнэн бастаабыт хамаандалар ( Кириэстээх, Бүлүүчээн, Түбэй) көһө сылдьар Кубогы былдьастылар. Үс эргиир кэнниттэн тыҥааһыннаах киирсии түмүгүнэн 2025 сыл хапсаҕай көһө сылдьар кубогын хаһаайынынан Түбэй нэһилиэгин хамаандата буолла.
Ону таһынан Сиэйэ нэһилиэгин баһылыга Александр Романов, Уһун Күөл баһылыга Иван Игнатьев уонна Хадан нэһилиэгин баһылыга Андрей Оконешников бэйэлэрин нэһилиэктэриттэн холобур буолан хамаандаҕа киирэн күрэхтэстилэр.
Күрэх түмүгэ: 1 м. — Түбэй, 2 м. -Кириэстээх, 3м. — Бүлүүчээн буоллулар.
Бөлөхтөр түмүктэрэ
Улахан нэһилиэктэргэ: 1 м. — Кириэстээх, 2 м. — Сиэйэ, 3 м. — Тойбохой
Орто нэһилиэктэргэ: 1 м. — Бүлүүчээн, 2 м. — Маар-Күөл, 3 м. — Аллыҥа, 4 м. — Уһун-Күөл.
Кыра нэһилиэктэргэ: 1 м. — Түбэй, 2 м. — Хадан.
Кыайбыт-хоппут хамаандаларга Уруй-Айхал!!
Улуустааҕы успуорт отдела