«Сталин суола» , «Ленинскэй знамя», «Коммунизм суола», «Ильич уоттара» уонна «Сунтаар сонуннара» диэн аатынан хаста да уларыйбыт улууспут хаһыата сылы түмүктүү уонна быйыл хаһыат 85 сылынан сиэттэрэн кылаабынай эрэдээктэр Юлия-Айархаана Алексеева салайыытынан хаһыат дьоҕус эйэлээх кэлэктиибэ үлэлэригэр көмө- ньыма буолар уопсастыбаннай кэрэспэдьиэннэрин улахан суолта биэрэн, бочуоттаан ыҥыран махтаннылар.
Сэргэх тэрээһиннэри сыыска түһэрбэккэ сырдатар, сонун гынан суруйар, хаһыаты кытта тиһигин быспат сибээстээх, сыралаах үлэҕитин үрдүктүк сыаналыыбыт, махталбытын этэбит диэн наһаа истиҥник махтаннылар. Инникитин даҕаны сойбот сонуҥҥутун, кэрээбэт кэпсээҥҥитин ааҕааччылар умсугуйа, кэрэхсии турдуннар диэн алҕаатылар. Үүнэр сылга үгүс үөрүүлээх, элбэх ситиһиилээх саҥа саҕахтары, чөл чэгиэн туругу, нус-хас олоҕу баҕараннар кэлэр кэмҥэ кынаттаатылар.
Улууспут хаһыата «Сунтаар сонуннарыгар» , кини чөкө айымньылаах, дьоҥҥо болҕомтолоох кэлэктиибигэр Ситиһиини, Табыллыыны, Тахсыыны баҕарабын!
Зинаида Федотова — Дьол Кыыма.
