Өссө биир сыл этэҥҥэ түмүктэнэн эрэр. Биһигинниин мэлдьи буолар күндү ааҕааччыларбытыгар хаһыат үлэһиттэрэ улахан махталбытын этэн туран, үүнэн эрэр Саҥа дьылынан эҕэрдэлиибит!
Хаһыаппыт, төһө даҕаны нэдиэлэҕэ биирдэ тахсыбытын иһин, ааҕааччыбыт бары араҥатын хабан ис хоһоонун байытарга үлэлиибит. Сэргээн ааҕар, кэлэр нүөмэри күүтэр ааҕааччылар баалларынан киэн туттабыт, үөрэбит.
Кэлэр сылтан рубрикаларбыт өссө кэҥээн, сайдан биэриэхтэрэ. Холобур, биһиги Сунтаарбыт атыы-эргиэн урбаан күннэтэ кэҥиир, сайдар улууһа. Онон сиэттэрэн саҥа саҕалыыр, ону тэҥэ номнуо үтүмэн уопуттаах урбаанньыттарбытын күүскэ сырдатыахпыт. Өссө биир саҥа рубрикабыт, – «Дьокутаат үлэтэ».
Хас биирдии рубрикаҕа эппиэттээх үлэһиттэр бааллар, чопчу ол рубрикаҕа этиилээх, кэпсиир киһилээх буоллаххытына, аттыгар баар нүөмэргэ бассаапка суруйаҕыт.
«Чэгиэн турук. Доруобуйа», «Дьокутаат үлэтэ» – Яина Власьева, 89148205567.
«Тыа хаһаайыстыбата», «Ыччат – инники кэскилбит» – Дмитрий Ымычанов, 89143000136.
«Урбаан, атыы-эргиэн» – Алена Иванова, 89143000136.
«Үөрэҕирии» – Марфа Иванова, 89148205567.
«Кэрэ эйгэ – култуура», «ИДьУо иһитиннэрэр» – Мира Афанасьева, 89143000136.
Күндү аҕааччыларбыт! «Сунтаар сонуннара» улууспут хаһыатын суруттарыҥ, ааҕыҥ, биһигинниин буолуҥ!
Юлия-Айархаана АЛЕКСЕЕВА, кылаабынай эрэдээктэр