Бу күннэргэ Арассыыйа Тыатын хаһаайыстыбатын министиэристибэтэ “Агротуризм” хайысхаҕа эрдэ биллэриллибит Грант түмүгүн таһаарда. Ол түмүгүнэн Саха сириттэн киирбит икки бырайыак холбоон 15 мөл. солк. суумалаах Граны сүүйбүттэр.
Бу барыта СӨ Тыатын хаһаайыстыбатын министиэристибэтин уонна Саха Сиригэр туризмы сайыннарыы Агентствота бииргэ үлэлээһиннэрин үтүө түмүгэ буолар.
Санатар буоллахха, тустаах Грант Арассыыйаҕа быйыл төрдүс төгүлүн ыытыллар. Ааспыт, 2022 с. бастакынан Граны Сунтаар улууһуттан Яковлевтар дьиэ кэргэн ылар чиэскэ тиксибитэ. Инникитин да улууспут тыа сирин хаһаайыстыбатынан дьарыктанааччылара бу Граҥҥа ситиһиилээхтик кыттыахтара диэн эрэнэ күүтэбит.
Гаврил АНДРЕЕВ.