Ахсынньы 16-17 күннэригэр Горнай улууһун Бэрдьигэстээҕэр С.Н.Донской-II аатынан Үөрэҕи сайыннарар уонна идэ таһымын үрдэтэр институт тэрийиитинэн үүнэр көлүөнэни иитиигэ-үөрэтиигэ туһуламмыт «Я педагог»диэн уһуйааҥҥа үлэлиир эр дьон пуорума буолан ааста. Өрөспүүбүлүкэтээҕи XI төгүлүн ыытыллар куоҥкурус педагогтар профессониальнай таһымнарын үрдэтэр сыаллаах ыытылынна.
Куоҥкуруска барыта 8 педагог кыттыыны ыллылар. Чурапчыттан, Ньурбаттан, Хаҥаластан, Дьокуускайтан, Горнайтан, Верхоянскайтан уонна Сунтаар улууһуттан 5-с №-дээх «Ньургуһун» оҕо сайдар киин эбии үөрэхтээһин «Тук-тук» столярнай мастарыскыайын педагога Игнат Федоров ситиһиилээхтик кытынна.
Бэйэни билиһиннэрии, аһаҕас дьарыктар, маастар-кылаастар уонна идэ таһымын үрдэтэр аһаҕас кэпсэтиилэр ыытылыннылар. Күрэс түмүгунэн Игнат Александрович 4 финалист иһигэр киирэн «Шаг в профессию» анал аат кыайыылааҕынан буолла.
Үрдүк ситиһиигинэн эҕэрдэлиибит, баҕарабыт айымньылаах үлэни, тус олоххор дьолу!
Мария ВЛАДИМИРОВА,
«Ньургуһун» оҕо сайдар киинин
сэбиэдиссэйи иитэр үлэҕэ солбуйааччы