Бүгүн С.А.Зверев-Кыыл Уола аатынан норуот айымньытын киинигэр бүгүн бэлиэтэнэр Физкультурник күнүгэр анаммыт тэрээһин буолан ааста.
Тэрээһин саҕаланыыта эҕэрдэ тылы улуус баһылыгын социальнай уонна имиджевэй бэлиитикэҕэ солбуйааччы Гаврил Еремеев эттэ. Бу күн успуортка сыһыаннаах үгүс дьон наҕараадалары тутан үөрдүлэр-көттүлэр. Ол курдук «СӨ физкультурнай хамсааһын тэриллибитэ 100 сылыгар» бэлиэни успуорт бэтэрээннэрэ Юрий Филиппов, Валерий Николаев, Прокопий Егоров, Николай Максимов уо.д.а. туттулар. Ону таһынан нэһилиэк успуорт инструктардарынан үлэлии сылдьыбыт дьон эмиэ чиэстэннилэр.
Ордук долгутуулаах түгэнинэн быйыл Туймаада ыһыаҕын Дыгын оонньуутугар биһиги улууспут чиэһин көмүскээбит Алексей Соколову чиэстээһин буолла. Киниэхэ Маар Күөл нэһилиэгин баһылыга Сергей Саввинов 50 тыһ. солк. суумалаах анал сэртипикээти туттарда.
Гаврил АНДРЕЕВ.