Федор Федоров «Дыгын оонньууларын» түөрт төгүллээх призера

Улуу Туймаада ыһыаҕын биир саамай чаҕылхай, күүтүүлээх, умсугутуулаах спортивнай көрүҥүнэн «Дыгын оонньуулара» буолара саарбаҕа суох.

1995 сылтан ыытыллар бу күрэхтэһиигэ Олоҥхо дойдутун Сунтаар сирин ат бөҕөлөрө, уҥмат тыыннаахтара, быыппастыгас былчыҥнаахтара, дьэ хайдах кыттан кэлбиттэрэй?..

1995 сылтан ыытыллар оонньууларга билиҥҥитэ чөмпүйүөннээбит суох. Арай 2006 сыллаахха Федор Федоровпыт үһүс буолан үөрдүтэлээбитэ. Онтон утаа эһиилигэр 2007 сыллаахха эмиэ үһүс. 2009 сылга иккис буолан, өрөспүүбүлүкэ ааттаахтарыттан ырааҕа суоҕун, өссө төгүл күүстээҕин-уохтааҕын көрдөрбүтэ. 2010 сыллаахха Федор Федоров «Дыгын Оонньууларыгар» кыттыытын иккис призер буолан чиэстээхтик түмүктээбитэ.

 

Кэнники сылларга эдэрдэрбит да биллитэлээн эрэллэр. Ол курдук, бу кэнники сылларга Тимофей Большаковпут уонна Алексей Соколовпут өрөспүүбүлүкэ ааттаахтарын кытта тэҥҥэ эриһэр кыахтаахтарын көрдөрөн эрэллэр. Быйылгы «Дыгын оонньууларыгар» уолаттарбыт кытталлар. Биһиги онно эрэлбит улахан.

 

      Борис НИКОЛАЕВ

Читайте дальше