Ахсынньы ый 15 күнүгэр Дьаархан нэһилиэгин «Дьулуур» успуорт манеһыгар Сунтаар улууһун «Юные легкоатлеты» диэн 2013- 2016 сыл төрүөх алын кылаас оҕолоругар биирдиилээн уонна хамаанданан бастыыр иһин күрэхтэһиигэ улууспут 9 нэһилиэгиттэн барыта 78 оҕо кэлэн күрэхтэстэ.
Улууска суох, ураты суоллаах-иистээх норуот күүһүнэн тутуллубут манежпытыгар өтөрүнэн буолбатах улахан күрэхтэһии ыытыллан, оскуолабыт үөрэнээччилэрэ, олохтоохтор да олус астынан тарҕастылар.
2015 с. уонна алын төрүөх сыллаах оҕолорго 60 м сүүрүүгэ уолаттарга I м. Сунтаартан Слюсарь Виктор ылла. II м. — Макаров Айтал, Күндэйэ, III м. -Охлопков Афоня, Дьаархан.
Кыргыттарга: I м. — Семенова Амелия, Устье, II м. — Погодаева Аэлита, Устье, III м. — Павлова Камилла, Маар Күөл.
200 м сүүрүүгэ уолаттарга I м. — Томский Меркурий, Сунтаар, II м. — Слюсарь Виктор, Сунтаар, III м. Охлопков Афоня Дьаархан.
Кыргыттарга I м. — Егорова Августина, Устье, II м. — Погодаева Аэлита, Устье, III м. — Кондратьева Эвелина, Элгээйи.
400 м сүүрүүгэ уолаттарга: I м — Томский Меркурий, Сунтаар, II м. — Дойдуков Аял, Маар Күөл, III м. — Сусов Илья ,Сунтаар.
Кыргыттарга: I м. — Егорова Августина, Устье, II м. — Ефимова Элеонора, Элгээйи, III м. — Николаева Харыстаана, Хоро.
Уһуну ыстаныыга уолаттарга I м. — Степанов Эдгар, Дьаархан, II м. — Яковлев Рустам, Сунтаар, III м.- Яковлев Ильдар, Сунтаар.
Кыргыттарга — I м. — Семенова Амелия, Устье, II м. — Федорова Настя, III м. — Корякина Аманда, Элгээйи.
2013-2014 сыл төрүөх оҕолорго уһуну ыстаныыга уолаттарга I м. — Илларионов Макар, Сунтаар, II м. — Павлов Туйгун, Дьаархан, III м. — Петров Эрчил, Күндэйэ.
Кыргыттарга I м. — Игнатьева Вика, Сунтаар, II м. — Гольдерова Аделина Дьаархан, III м. — Кириллина Ивона, Кэмпэндээйи.
60 м сүүрүүгэ барыта 13 уол сүүрдэ. I м. — Данилов Вова, Устье, II м. — Павлов Туйгун, Дьаархан, III м. — Николаев Мирослав, Күндэйэ.
11 кыыс сүүрбүтүттэн I м. — Павлова Алиана, Сунтаар, II м. — Игнатьева Вика, Сунтаар, III м. -Гольдерова Аделина, Дьаархан.
200 миэтэрэҕэ сүүрүүгэ уолаттарга I м. — Данилов Вова, Устье, II м. — Степанов Эрсан, Дьаархан, III м. — Николаев Мирослав, Күндэйэ.
Кыргыттарга I м. — Гуринова Кристина, Кэмпэндээйи, II м. — Егорова Коламбиана, Элгээйи, III м. — Семенова Анесса, Маар Күөл.
400 м сүүрүүгэ уолаттарга: I м. — Степанов Эрсан, Дьаархан, II м. — Васильев Дэвид, Сунтаар, III м. — Тарасов Демьян, Элгээйи.
Кыргыттарга: I м. — Очосова Вика, Сунтаар, II м. — Иванова Анжелина, Элгээйи, III м. — Прокопьева Айзалина, Кэмпэндээйи.
600 м сүүрүүгэ уолаттарга: I м. — Семенов Алеша Дьаархан, II м. — Попов Роберт Сунтаар, III м. — Чагдинский Харысхан, Элгээйи.
Кыргыттарга I м. — Очосова Вика, II м. — Емельянова Айта, Сунтаар, III м. — Егорова Коламбиана.
Күрэх бүтэһик көрүҥүнэн ыһыылаах-хаһыылаах эстафета буолла. Сылларынан аттарыллан уол-кыыс буолан аҕыс кыттааччылаах үс хамаанда кытынна. Олохтоохтор — дьаарханнар иккис хамаандабыт бэрт кыранан туолбакка биир эрэ хамаанданы туруордубут.
Старт бэриллээтин кытары оҕолор биирдии эргиири сүүрэн кэлэн хамаандатын оҕотугар аҕалан «туттаран» истилэр. Ол курдук төрдүс, бэһис этаапка диэри эрбии биитинии эриһии буолла. Ол кэннэ Элгээйи оҕолоро эргиир аайы хааллар хаалан истилэр. Инники күөҥҥэ Сунтаар уонна Дьаархан хамаандалара тахсаннар биэтэккэ кэлиэхтэригэр диэри эристилэр, көрөөччүлэрин — ыалдьааччыларын ууга-уокка түһэртээтилэр. Өтөрүнэн буолбатах үөгүү-хаһыы ортотунан бэрт кыранан, этэргэ дылы, уллуҥах аҥаарынан Сунтаар хамаандата уруттаан кыайыы өрөгөйүн биллэ уонна көһө сылдьар эстафета Кубогын илдьэ барда. Иккис Дьаархан, үһүс Элгээйи хамаандалара буоллулар.
Ону таһынан бу күрэхтэһиигэ уолаттарга уонна кыргыттарга икки көрүҥ түмүгүнэн бастыҥ көрдөрүүлээх уонна эстафетаҕа бастаабыт Сунтаар хамаандатыттан — Данилов Вова, Очосова Вика «Лучший легкоатлет» номинация хаһаайыннарынан буоллулар.
Күрэхтэһии сүрүн судьуйатынан, тэрийээччитинэн Станислав Гольдеров, судьуйаларынан Михаил Слюсарь, Владимир Николаев, Павел Кырелов, Уйусхан Егоров эҥкилэ суох үлэлээтибит.
«Бу күрэхтэһии сылын аайы ыытыллар буолуо» диэн Дьаархан орто оскуолатын дириэктэрэ Николай Охлопков бары кыттааччыларга үөрүүлээх сонуну иһитиннэрдэ.
Павел КЫРЕЛОВ, Дьаархан.