Жанна Макарова, уопсастыбанньык, улуус дьокутаата:
-Бэҕэһээ дойдубут бэрэсидьиэнэ СӨ Ил Дархана Айсен Николаевы кытта видео-конференциянан көрүстэ. Ил Дархаммыт кэнники сылларга өрөспүүбүлүкэ сайдарыгар ыытыллыбыт киэҥ далааһыннаах хамсааһыннары, нэһилиэнньэ олоҕо тупсарыгар үгүс үлэ барбытын эттэ. Чахчы да, Сахабыт сирэ кэнники сылларга экономическай сайдыыта дойдуга инники күөҥҥэ сылдьар. Элбэх тутуу барар, суол-иис тупсар, сибээс-ситим күүһүрэр. Манна дьон олоҕо тупсарыгар үлэлиир федеральнай да, өрөспүүбүлүкэтээҕи да араас хабааннаах бырагыраамалар, бырайыактар оруоллара улахан. Маны таһынан, биллэн турар, кэккэ кыһалҕалар, быһаарыллыахтаах боппуруостар баалларын Айсен Сергеевич таарыйда. Арассыыйа бэрэсидьиэнэ бу көрсүһүүгэ Саха сиригэр кэлиэн иннинэ ордук суолталаах туох быһаарыллара ирдэнэр боппуруостар баалларын сураста, бу көрсүһүү сүрүн соругунан ол боппуруостары эрдэттэн үөрэтэн саҕалыыллара буолбутун эттэ.
Бу кэпсэтиигэ дьиэ кэргэни өйүүргэ туһуланан ыытыллар үлэлэргэ балачча кэпсэтии барбытын сөбүлүү иһиттим. Дьадайыыны утары үлэ барыаҕар хайа да өттүттэн хамсаныы баар буолуо дии саныыбын. Дойдубут бэрэсидьиэнэ ордук суолталаах боппуруостары эрдэттэн үөрэтэргэ соруктаммыта баар кыһалҕалар быһаарыллалларыгар эрэли сахта. Өрөспүүбүлүкэбитигэр болҕомто өссө күүһүрүө диэн санааҕа кэллим.
«Сунтаар сонуннара» хаһыат