«Якутскэнерго» АУо пресс-сулууспата атырдьах ыйын 10-21 күннэригэр, Саха сирин үрдүнэн үрдүк күүрүүлээх уот линиятын капитальнай өрөмүөнэ ыытылларынан сибээстээн, графигынан уот барарын туһунан иһитиннэрэр. Ол курдук, Сунтаар улууһугар бүгүн сарсыарда 10 чаастан киэһэ 17 чааска диэри Хадан, Туойдаах нэһилиэктэригэр, атырдьах ыйын 10-11 күннэригэр сарсыарда 10-тан киэһэ 18 чааска диэри Сиэйэҕэ, атырдьах ыйын 14-15 күннэригэр Элгээйи нэһилиэгэр миэстэлэринэн сарсыарда 10-тан киэһэ 18 чааска диэри уот барара күүтүллэр. Эмиэ ити күннэргэ уот Тойбохойго барыаҕа. Атырдьах ыйын 17 күнүгэр Дьаархан нэһилиэгэр уоту сарсыарда 10-тан киэһэ 18 чааска диэри ылыахтара.
Гаврил АНДРЕЕВ.
