Элгээйигэ «Дьиэ кэргэн» бэстибээлэ ыытылынна

П.Х.Староватов аатынан Элгээйи орто оскуолатыгар алын сүһүөх учууталларын методическай холбоһугун көҕүлээһининэн, Арассыыйаҕа Дьиэ кэргэн, Саха сиригэр Оҕо саас, Сунтаар улууһугар Аҕам саастаахтарга ытыктабыл сылларын түмүктүүр «Дьиэ кэргэн» бэстибээлин үрдүк таһымҥа тэрийэн ыыттыбыт.

Бэстибээли оскуолабыт дириэктэрэ Софья Васильевна эҕэрдэ тылынан аста уонна соһуччу дириэктэр фондатыттан 10 тыһ. солк. сууманы алын сүһүөх учууталларын холбоһугар, инникитин ыытыллыахтаах үлэлэригэр тутталларыгар диэн анаан сүргэбитин көтөхтө. Салгыы 22 дьиэ кэргэҥҥэ анал аат кыайыылаахтарын бэлиэтээтэ.
“Самая активная” – Жирковтар дьиэ кэргэн (Октябрина Юрьевна), Марина, Алквиад Никаноровтар, Клавдия, Александр Яковлевлевтар, Анна, Альберт Александровтар, Зинаида, Надежда Михайловалар. “Самая спортивная” – Ньургуйаана, Андрей Григорьевтар, Яна, Семен Поповтар. “Самая творческая” – Марианна, Сергей Спиридоновтар, Надежда, Авдей Поповтар. “Самая креативная” – Лилиана, Алексей Поповтар, Надежда Готовцева. “Самая интеллектуальная” – Валерия, Вячеслав Сафоновтар. “Терут үгэһи өрө тутар дьиэ кэргэн” – Анастасия, Александр Поротовтар, Наталья, Геннадий Григорьевтар. “Самая музыкальная семья” – Туйара, Вячеслав Андреевтар. “Познаем мир семьёй” – Мария, Владимир Яковлевтар, Прасковья Антонова. “Супер дедушка” – Наум Сергеев, Андрей Игнатьев. “Самый активный папа” — Роман Иванов, Геннадий Николаев, Алексей Яковлев.

Үөрэнээччилэр уонна учууталлар күүстэринэн «Ис сүрэхтэн» эҕэрдэ кэнсиэр өрө көтөҕүллүүлээхтик ааста. Алын сүһүөх үөрэнээччилэрэ дьиэ кэргэн гимнын толорон кэнсиэри саҕалаатылар. Кылаастарынан эҕэрдэ нүөмэрдэри төрөппүттэр көрөн астыннылар. Кэнсиэр быыһыгар «Дьиэ кэргэн туһунан оҕо саҥатынан» интервью, «Бу кимий?» оонньуу, викторина уонна «Мелодияны таай» бэһиэлэй күрэхтэр ыытыллан төрөппүттэр сүргэлэрин өссө көтөхтүлэр. Кэнсиэр 11 пед.бөлөх кыргыттарын көҕүүлээһининэн уопсай флешмобунан түмүктэннэ.
Маны таһынан аактабай саалаҕа талааннаах дьиэ кэргэттэрбит быыстапкалара турда. Кэнсиэр кэннэ төрөппүттэр күүстэринэн маастар-кылаастар ыытылыннылар. Маны сэргэ, фойеҕа атыы-эргиэн, кофе-брейк тэрилиннэ. Төрөппүттэр үөрэнэр-үлэлиир кэмнэригэр оҕолору 10 пед.бөлөх оҕолоро оонньоттулар, аралдьыттылар.
Оскуолабытыгар, алын сүһүөххэ, сылы түмүктүүр тэрээһиммит санаабыппыт хоту сатаммытынан махталбытын тириэрдиэ этибит дириэктэрбитигэр Софья Васильевнаҕа, үлэ уруогун учууталыгар Иван Александровичка, тэрээhиҥҥэ үлэлэспит кэллиэгэлэрбитигэр уонна бары кэлэн кыттыыны ылбыт дьиэ кэргэттэргэ. Баҕарыа этибит дьиэ кэргэҥҥитигэр или-эйэни, табыллыыны уонна чөл туругу!

П.Х.Староватов аатынан Элгээйи орто оскуолатын

алын сүһүөх учууталларын методическай холбоһугун

салайааччыта Т.С. Миронова