Бүгүн, кулун тутар 16 күнүгэр, саха литературатын төрүттээбит, бөлүһүөк А.Е. Кулаковскай-Өксөкүлээх Өлөксөй төрөөбүт күнэ.
Леонид Попов аатын сүгэр Арыылаах агро-хайысхалаах оскуолата «Таатта» литературнай-художественнай түмэлигэр, Хадаайы алааһыттан, Өксөкүлээх Өлөксөй балаҕанын көмүлүөгүттэн саҕыллыбыт «Өксөкүлээх сардаҥата» быһа холбонуу аахсыйаҕа кыттыыны ылла.
Суруйааччы айар үлэтин, олоҕун туһунан билистилэр, айымньыларын кинигэтин көрдүлэр, Кулаковскай уотун «тыыннаах» чүмэчини уматтылар.
Надежда ПЕТРОВА,
Арыылаах оскуолатын дириэктэри иитэр үлэҕэ солбуйааччыта