Бэҕэһээ Ньурба куоракка региональнай, Бүлүү бөлөхтөр икки ардыларыгар, «Крещендо» диэн иккис төгүлүн ыытыллар пианистар күрэстэригэр биһиги Элгээйибит оҕолоро ситиһии көтөллөнөн кэллилэр. Ол курдук, Яковлева Эльза «За лучшее исполнение якутской музыки», Иванов Артем «Учитель и ученик» номинацияҕа, Ефимова Элеонора «Сольное исполнение» 2 истиэпэннээх лауреат буоллулар.
Дьүүллүүр сүбэ бэрээссэдээтэлинэн Дьокуускай куораттан бэйэтин бэриниилээх үлэтинэн дьоҥҥо норуокка биллибит учууталлар учууталлара, «Музыка для всех» бырайыак биир сүрүн педагога Евдокия Карманова кэлэн үлэлээтэ. Оҕолорбут классическай хайысхалаах муусуканы рояль курдук улахан инструмеҥҥа оонньоон үрдүк сыанабылы ылбыттарыттан биһиги үөрүүбүт муҥура суох.
Ол курдук, учууталбытыгар Сайыына Уароваҕа уонна массыынанан таспыт Наум Константиновичка улахан махталбытын тириэрдэбит. Элгээйибит оҕолоро араас сиргэ кыттан, сайдан дойдуларын аатын ааттаталлара истэргэ көрөргө үөрүүлээх!
Сунтаардааҕы оҕо искусствотын оскуолатыгар дьарыктанар оҕолор төрөппүттэрэ, Элгээйи нэһилиэгэ