Бүгүн, Дьокуускай куоракка Бүтүн Арассыыйатааҕы научнай-практическай кэмпириэнсийэ буолла. Бу кэмпириэнсийэ Витус Беринг салайааччылаах Камчатскай эспэдииссийэ саҕаламмыта 300 сылыгар ананна.
Манна дойду араас муннуктарыттан, Данияттан кытары кыттыыны ыллылар. Кэмпэндээйи бибилэтиэкэтин иһинэн үлэлиир «Эдэр кыраайы үөрэтээччилэр» кулууптара олус ситиһиилээхтик кытынна.
Ол курдук, «В. Беринг уонна атын эспэдииссийэ кыттыылаахтара наука, техника сайдыытыгар оруоллара» диэн сиэксийэҕэ Таисия Саввинова 18 кыттааччыттан 1-кы миэстэни ылан дипломунан наҕараадаланна. Бу сиэксийэ салайааччыта Михаил Черосов Тася үлэтин үрдүктүк сыаналаата.
Оттон бу эспэдииссийэни кытары сибээстээх аныгы бырайыактар сиэксийэлэригэр Ванесса Протодьяконова Витус Беринг туһунан билиһиннэрэр брошюра оҥорон, 2-с истиэпэннээх диплом ылла, дьүүллүүр сүбэттэн хайҕанна, Нарыйаана Гаврильева эспэдииссийэ улуу кыттыылаахтара, Кэмпэндээйини чинчийбит, үөрэппит Витус Беринг, Степан Крашенинников, Герхард Миллер, Иоганн Гмелин, Иоганн Фишер тустарынан билиһиннэрэр туристическай маршрут бырайыагын кэпсээн 3-с миэстэлээх диплому тутта, эбии сүбэ-ама ылла. Кыргыттар кыайыы көтөллөнөн дьиэлиир буоллулар.
Татьяна Местникова, «Эдэр кыраайы үөрэтээччилэр»
кулууптарын салайааччыта, бибилэтиэкэр