Дьокуускай куоракка муус устар 10-11 күнүгэр эбии үөрэхтээһин педагогтарыгар “Сердце отдаю детям” диэн өрөспүүбүлүкэтээҕи күрэс буолан ааста. 22 улуустан 44 уһуйааччы финалга тахсан 8 түһүмэхтээх тургутууну аастылар. Сунтаар улууһуттан 3 эбии үөрэхтээһин педаготара ситиһиилээхтик кыттыннылар. Ол курдук, “Естественнэй научнай хайысхаҕа” кыайыылааҕынан “ЭРМЭЦ” эбии үөрэхтээһин педагога Ньургустана Иванова, “Художественнай хайысхаҕа” 2 үрдэл Н.М.Родионова аатынан оҕо дьоҕурун сайыннарар киин педагога Вера Зоммер, доруобуйаларынан хааччахтаах оҕолору кытта үлэлиир педагогтарга 2 үрдэл Сунтаар коррекционнай оскуолатыттан Нюргуяна Данилова буоллулар.
Мира АФАНАСЬЕВА
