Бүгүн, балаҕан ыйын 10 күнүгэр Сунтаардааҕы С.А. Зверев — Кыыл Уолун аатынан холбоһуктаах түмэл дьиэтигэр Арассыыйа уонна ДНР Дьоруойа Дмитрий Егоров, анал байыаннай дьайыы кэмигэр, сырдык тыына быстыбыта биир сылыгар анаан, оскуола оҕолоругар уруок буолан ааста. Манна дьоруой төрөппүт аҕата Николай Алексеевич, эдьийэ Полина Попова уонна Сунтаар нэһилиэгин баһылыга Эдуард Филиппов кыттыыны ыллылар. Бу уруогу түмэл үлэһитэ Василий Слепцов иилээн-саҕалаан ыытта. Сунтаардааҕы 1-кы нүөмэрдээх оскуола 25 үөрэнээччитэ кэлэн, дьоруой туһунан үгүһү биллилэр. Эдуард Егорович байыаннайдартан илии баттааһыннаах улуус былааҕын, түмэлгэ өйдөбүнньүк буоллун диэн бэлэх уунна.
Елизавета ТИТОВА
