Доҕорун сырдык аатын үйэтитэн

Орто дойду олоҕор дьоҥҥо-сэргэҕэ биллэн, дьон махталын ылан олорон ааспыт киһини, чугас дьоно бэлиэтээн ааһар үтүө үгэс баар буолла. Ол курдук, бэйэбит кыыспыт Светлана Сергеева-Гоголева Майа сэлиэнньэтигэр холоонноох доҕорун Еремей Гоголевы көрсөн, бииргэ үлэлээн, талба талааннарынан Саха сирин дьонун-сэргэтин үөрдэн, сэргэхситэн ааспыт үтүөлээх ыаллар буолаллар. Төһө да сыл-хонук аастар Еремей Гоголев кэрэ куолаһа Саха араадьыйатыгар дьиэрэйэн ааспыт кэрэ кэмнэри эргитэн, уйаҕас дууһаны маанылаан  иһиллэ турар. Кэргэнниилэр айан таһаарбыт индиийскэй тыыннаах сыаҥкалара дьоҥҥо-сэргэҕэ сырдык мичээр аргыстаах уос номоҕо буола сылдьаллар.

Быйыл Еремей Гоголев баара буоллар 70 сааһын бэлиэтээн ырыа, тойук, көр- күлүү дьоро киэһэлэрэ тэриллиэхтээх этилэр. Дьылҕа хаан ыйааҕынан оннук тэрээһиннэр буолар кыахтара суох.

 

 

 

 

 

 

 

 

 

 

 

 

 

 

 

 

 

Ол эрээри, Саха сирин култууратын туйгуна,  Саха сирин үтүөлээх оһуохайдьыта, Сунтаар уонна Майа сэлиэнньэлэрин бочуоттаах олохтооҕо, Мэҥэ-Хаҥалас улууһугар үлэтинэн үтүөлэрин иһин элбэх бэлиэлэр хаһаайкалара Светлана Сергеева-Гоголева кэргэнигэр Саха өрөспүүбүлүкэтин култууратын туйгунугар, «Гражданскай килбиэн» бэлиэ хаһаайыныгар, Майа сэлиэнньэтин Бочуоттаах олохтооҕор, «Майа — дойдум барахсан» хаһаайыныгар хаһаайыгар, Мэҥэ Күөрэгэйигэр, Валерий Ноев аатынан ырыа күрэҕин аан бастакы гран при буолбут ырыаһытыгар, баянист Еремей Гоголевка аналлаах улахан кэнсиэр бэлэмнии сылдьар. Кэнсиэрт Майа сэлиэнньэтин тыйаатырыгар кулун тутар 12 күнүгэр буолар. Кэнсиэртэн киирбит харчынан кэргэнин Еремей Гоголев туһунан кинигэ таһаарар баҕалаах. Кыыспытыгар, майалар маанылаах кийииттэригэр Светлана Сергеева-Гоголеваҕа тэрийэр тэрээһинэ үрдүк таһымнаахтык туоларыгар баҕа санаабытын ыытыаҕыҥ.

   ЫМЫЫЧААНА.

Читайте дальше